Conto orixinal, divertido e agarimoso que trata a soidade das persoas e a adopción dun refuxiado.

Chámome Omar e son unha noz. O meu pai era xardineiro e a miña nai ulía a canela. O mar tragounos aos dous pouco antes de chegar á praia. Vinos desaparecer mentres flotaba naquela casca de noz xunto con outros descoñecidos. Dos tres, só eu levaba un pequeno salvavidas co meu nome. Escribírao miña nai para que non o esquecese nunca.